2006-10-31 19:47
kennethlo12
亡命小巴事件薄**<<超爆笑的真人真事>>
亡命小巴事件薄**<<超爆笑的真人真事>>
大家有冇搭過亡命VAN? 有冇遇過D乜奇怪事?
亡命小巴, 根據牛津高階字典的解釋 : 亡命小巴者, 洗拿上身是也。視道路上一切如無事, 心中只有一句話『冇人可以超越o係我前面!』
天下之大, 無奇不有。
有冇見過, 明明已經滿座, 但司機照叫第十七個乘客上車, 叫佢坐响車頭司機隔離個引擎上面, 哇塞!!熱到爆, 有古怪!!
有冇見過, 人D乘客好守規則, 一上車就扣安全帶, 但係落車唔記得除, 畀條安全帶”CAKE”住, 落唔到車!! 哇塞!!好趣怪!!
有冇見過, 明明有人已經哎左十九幾次街口有落, 但司機都唔停車, 之後仲畀司機叔叔話: 『下次大聲D嗎!!鬼聽到咩! 』哇塞!! 興到爆, 好奇怪!!
但係以上事件都唔夠我今次奇怪~~~
日期 : 今年某星期六晚
時間 : 零時一兩點左右
地點 : 由旺角去屯門的亡命小巴上
人物 : 火爆(即係我), 小巴司機, 乘客甲, 乘客乙, 隱藏人物丙
事源當晚同朋友玩夜左, 唯有搭通宵小巴返屯門, 其實一縷都知如果要搭依程VAN仔, 要過一個心理關口, 好似要面對死亡一樣。但想快, 唯有博一博!!
我一上車, 就即刻坐响左邊D單丁位, 等左一陣, 滿左就開車啦。
開始都無乜野, 一上到屯門公路, 惡夢就開始~~
大家都知, 屯門公路出名多彎, 左西右西, 火爆都有D暈暈地。但有一位乘客甲, 其實一上車就知佢飲大左, 佢一上車就坐响司機後面第一排, 仲立即昏迷, 即係訓左。但去到屯門公路一半時, 佢突然發難!!!係咁嘔!!!
嘩!!個種氣味, 個種感覺, 比世貿中心倒下還可怕!!!o個種程度同被欣宜錫一下差唔多!!
個司機反應最快, 佢話 : 『X!嘔早D出聲呀嗎!!我有膠袋呀!! 』果然自己地方反應係唔同D。
跟住乘客甲當然”沙晒冧”。成車人, 都有D估燥。我心諗, 仲有成半程車, 乃野!!不過好彩坐得遠。
過左無耐, 坐响乘客甲後一排的乘客乙真係頂唔順, 拍一拍乘客甲的膊頭, 破口大罵 : 『大佬呀! 畀D公德心好嗎, 要响車嘔, 好似我咁呀嗎!!』話未說完, 乘客乙立即將頭伸出窗外狂嘔!!!HAHA, 連佢都嘔埋一份!!HAHA!!
事件還未結束, 最好笑o既事情出現! 當乘客乙嘔的時候, 坐响最後排o既隱藏人物乘客丙突然大哎 : 『仆X!!乃野』原來當時乘客丙諗住伸個頭出車外吸口新鮮空氣, 點知乘客乙D嘔吐物食晒响佢塊面度!!!HAHAHAHA!!!!!!
我一入到屯門即刻落車, 搭的士返屋企。總算逃離戰場~
經過此事, 深深體會亡命小巴及人類的可怕。
亡命小巴, 我向你致敬!!