鬼太郎搶灘　老竇打頭陣

真 人 版 《 鬼 太 郎 》 自 宣 布 開 拍 以 來 一 直 備 受 注 目 ， 影 片 已 鐵 定 ○ 七 年 四 月 廿 八 日 在 日 本 上 映 ， 預 料 可 延 續 當 地 一 片 鬼 怪 片 熱 潮 。

電 影 《 死 亡 筆 記 》 今 年 在 亞 洲 各 地 大 受 歡 迎 ， 直 接 影 響 當 地 影 壇 於 ○ 七 年 勁 吹 「 鬼 怪 風 」 。 繼 妻 夫 木 聰 夥 拍 柴 崎 幸 、 改 編 已 故 漫 畫 大 師 手 塚 冶 虫 的 《 怪 俠 多 羅 羅 》 在 下 月 開 畫 後 ， 同 樣 由 聰 仔 擔 演 的 同 類 電 影 《 憑 神 》 ， 亦 緊 接 在 明 年 夏 季 推 出 。

至 於 籌 拍 多 時 的 《 鬼 太 郎 》 ， 片 商 起 用 偶 像 組 合 WaT 成 員 Wentz 瑛 士 飾 演 「 鬼 太 郎 」 ， 還 有 田 中 麗 奈 、 井 上 真 央 等 攜 手 演 出 ， 令 四 月 開 畫 的 《 鬼 》 片 成 為 明 年 日 本 黃 金 雙 周 檔 期 的 矚 目 電 影 。

精 品 谷 票 房
為 進 一 步 刺 激 銷 情 ， 《 鬼 》 片 的 預 售 票 已 在 當 地 搶 先 推 出 ， 電 影 公 司 還 以 故 事 中 的 風 頭 躉 「 鬼 眼 老 竇 」 肩 負 重 任 ， 隨 門 票 附 送 其 精 品 來 催 谷 票 房 ， 而 電 影 的 最 新 預 告 片 日 前 經 已 出 街 ， 利 用 電 腦 Ｃ Ｇ 炮 製 出 來 的 「 鬼 眼 老 竇 」 當 然 搶 鏡 ， 就 連 其 他 日 本 傳 統 妖 怪 的 造 型 也 齊 齊 曝 光 ， 而 瑛 士 及 田 中 麗 奈 則 有 大 顯 身 手 ， 靠 Ｃ Ｇ 效 果 於 片 中 飛 簷 走 壁 。