2007-5-14 03:14
cHiNg晴
[真人真事]大家小心d,新手法騙案!
尋日有個自稱joey o既人,
用msn add入黎話佢想搵人拍廣告。
初時我同佢講,對網上面呢d(咁樣搵人)冇咩興趣,
之後佢話唔緊要,send個網址俾我睇下先,
跟住佢send左starzpeople個網俾我。
我見到starzpeople,
我就話:wow,呢間好出名個喎~
佢:都ok啦,
跟住我就問佢點解要上網搵人,
佢就話因為聽日9點要開會,到時要俾d相廣告商睇,
而且D廣告商想搵新面孔
佢話如果我有興趣就開個cam俾佢睇,
要睇3樣野,
1.身材
2.對鏡頭反應,怕唔怕羞
3.同經理人合作度
我就同佢講:我點知你係咪真starzpeople o既人
佢:我冇必要呃你,你可以考慮清楚先,我唔會迫你
我:我都係想知清楚d先,得個網頁,我都可以搵到
佢:因為你要知道,經理人會幫你接job,安排d野,大家唔信任,跟本冇必要合作,我更加唔會幫你接job辛苦自己,大把人排隊入黎做,sorry,唔阻你,88
我:好
佢:我都唔知我呃你可以得到d咩
我:講真,我都未聽過會有人o係網上搵人做model,咁我問清楚d都好正常o者,況且我o係街上有人問都會有張卡片啦
佢: ok,咁我講左比你知點解我會o係網上搵人,你應該知道,咁我而家o係網上面點比卡片你?
我:我都知...咁我問都係保障自己,你唔好咁勞氣
佢: ok,咁你試唔試?
我:你係男定女?
佢:我叫joey!!
我:我有個男仔fd都叫joey,你有冇cam?
佢:我冇,我只係上黎搵人,本身係電腦白痴
我:電話呢?
佢:算啦,我真係覺得好無謂,我做野先喇,88
之後佢又再講.......
佢:你係e行發展,留意一下,如果到時又係咁對其他經理人,佢地簽左你,唔比job你黎報復,咁就慘喇,少少意見,專重其他人,好重要,88
我:我唔想睇警訊見到自己囉,我都唔知你o個邊會唔會係男人
佢:男人唔可以係經理人?一定要係女人?
我:唔係,問題係,你又話你係joey,又唔肯講你係男定女
佢:我係女呀!!!
我:係o既...我唔係唔想唔信你,但係你太過隱"灰",我都係想保障自己
佢:係你d語氣太冇禮貌質問人,anyway,我只係想做野,最後問你一次喇,你同我in定同第個in(佢指佢同第2個in),我真係冇時間喇
我:如果你有電話俾我o既都可以考慮下
佢:咁唔使喇,你可以delete我,88
佢講完之後即刻offline。
我上網search,見到有人都試過,不過o個個人就冇咁好彩:
[quote]..........ak有一個人..名叫janice.....
...佢咁同我講~~:
我叫jannie, 係starzpeople既經理人, 我睇左你d相, 想搵你做我公司model 拍個廣告, 你留一留你 msn 比我 / add 我 msn : [email=arbarbhk@hotmail.com]arbarbhk@hotmail.com[/email] 再傾呀, thx~
.........................佢地會係.....msn 會叫你開cam...跟住再...除 3俾佢.睇......*因為我個fd 上左當~~
......................大家小心呀...無俾呢d人呃~~...............ak好多 呢 d人 ga~>>>>>>>>..............
[/quote]
希望各位小心d,網上騙案層出不窮!
[[i] 本帖最後由 cHiNg晴 於 2007-5-25 22:53 編輯 [/i]]