最瘀皮既事

你地遇到最瘀皮既事係咩野 ~??

我小學六年級既時候, 係一個肥仔
我記得小學一次上體育堂做熱身, 當做到壓腿時, 條運動褲抵受唔住壓力, 突然之間....「galalalala」....爆軚
個個同學仔聽到都望住我, 發現左咩野事之後就卡卡大笑
超瘀皮......
仲要俾我o個時暗戀既女仔見到
唉......慘呀!!!!!
小學時代邊有更衣室架
我要一直著住條爆軚褲上堂, 直至放學

唉.....諗起都難為情~~

:)em21

我最瘀既野...
樣樣都差唔多= ="

今年學校有SINGING CONTEST
自己一個試下參加
參賽者中得我一個係唱日文歌
上到台
自己都感覺到自己唱得好難聽...
雖然冇咩點走音
但係真係難聽到.....
首歌CUT聲又CUT得唔好
D人就以為我冇CUT到...
真係....死左佢算

有次出街著左一條好輕身既連身裙
輕身到著左上身都唔覺...
所以一定要著一條黑色墨褲...
咩左個側咩袋出街...
點知中途個袋扯起左條裙自己都唔知
係後面有2個男仔話"有野睇"我先發現....
真係好瘀皮...><