2008-4-25 16:41
pkevin
貓公園 - from my blog
呢排成日胡思亂想:
新工作既關係, 宜家我每日收工都會行經維多利亞公園到銅鑼灣. 相信大家都知道維園最多既係D咩野, 最多既當然係樹木花草(假期例外,假期維園已被人流所覆蓋), 平日第二最多當然係人, 不過宜家多左D新客人, 而且有越來越多的既現象.
那就是貓.
唔知係舊主人有心將佢地拋棄到維園, 定係佢地無家可歸,無處容身, 到最後先找到維園呢塊僅可遮風擋雨既"樂土". 有D貓咪似乎確實找到了"快樂", 因為無論係行經既人, 定係個度既常客, 都禮待佢地, 都好愛惜佢地(除左某D變態狂之外). 有時你會見到有D人行過,會逗下佢地玩,佢地亦都好似對住主人咁撒嬌, 好似咩都無改變過,而且自己的遊樂場仲大左好多.
不過有時你都會見到有D貓咪落單咁行過, 個D步伐,個D動態舉止,個D眼神, 十足一個孤苦無依既街童(老D既似老人家). 睇到個刻, 你會即時覺得於心何忍呢? 點解要拋棄佢地呢? 但係我又想, 既然都已成事實, 越來越多貓在維園出現, 我地又係唔係可以做D野呢? 維園又可唔可以做D野呢? 好過等佢地係個度自生自滅, 唔知有無野食, 唔知會唔會再俾人殺害, 更唔知會唔會係無控制下,將來變左成個維園都係貓, 多過假期既人, 全部都係未知之數, 如果我地全部棄之不顧既話.
我想: 貓公園!
對, 在維園闢個地方建貓公園. 貓咪可以有棲身之所, 可以有人照顧, 愛貓之人也可以得閒去探佢地. 我覺得不錯.
我唔係養貓既人, 我代表唔到養貓者既意見, 更代表唔到貓咪說話, 不過呢個或者係一定唔錯既建議. 但係我想講, 呢個建議絕對唔可以係養貓人拋棄貓咪既藉口, 因為你地對佢地係有責任的. 你地得閒去維園睇睇個D落單既貓咪就會明白了.
[url=http://www.hkheadline.com/blog/reply_blog_edit.asp?f=LP7RS0FJ78107853&id=102467]http://www.hkheadline.com/blog/reply_blog_edit.asp?f=LP7RS0FJ78107853&id=102467[/url]