「雲起激鬥網遊派對」空前成功！反應熱烈！

打機、交友、拎巨獎！一次過滿足晒你三個願望！係咩咁著數？知咪就係「雲起」四月獻禮 — 《亂Online》+《海盜王Online》+《水滸歷險Online》之「激鬥網遊派對」囉！
呢個活動經已係4月27號星期日，旺角金雞廣場26樓「網遊派對」圓滿結束，錯過左或者抽唔到既支持者都唔駛失望，下次實得既… 今次就睇住d花絮過下癮先~ 去片！
現場環境乾淨又光猛，空氣又流通，真係打機都醒神d！所以好多參加左今次活動既FANS都提早好多黎到，早到左既仲可以舒舒服服咁坐喺度打住機等~ 網吧老闆認真識做。
三款雲起的主打遊戲同時CROSSOVER搞活動，場面墟冚就可想而知，就連好多抽唔到黎比賽既FANS都到場齊撐自己GAME友，認真齊心！睇黎ONLINE GAME既魅力真係無庸致疑。
唔單止玩家玩得投入，就連陪同參賽者到場既家長都一樣睇得咁投入，仲不時幫囝囝囡囡打氣~ 唔通咁樣會帶黎好運？
好唔好運等抽獎就知啦！三款遊戲都各自送出大量珍貴虛寶，咁重手為乜？咪又係為左搏玩家一笑… 睇黎呢招永遠都萬試萬靈。﹙笑﹚
抽唔到獎既玩家唔駛失望，因為雲起仲重本送出遊戲福袋，人人有份… 總之就皆帶歡喜，又玩又拎啦！
《亂Online》參加寶物競投活動，真係好似拍賣會咁熱烈！最珍貴既一款仲以天價成交… 天下無敵相信指日可待。
《海盜王Online》合石、PK賽兩項活動有聲有色，隊制比賽仲令玩家提升團體合作精神。邊個話ONLINE GAME冇好處架？
《水滸歷險Online》清談交流意見和心得，出聲就即送厚禮之餘，雲起仲爆左唔少內幕消息出黎添！
三款遊戲加埋咁多精彩活動、好禮… 真係點講都講唔晒呀！想知多d就記得留意遊戲官方網站啦！
《亂Online》官方網站：ran.runup.com.hk
《海盜王Online》官方網站：kop.runup.com.hk
《水滸歷險Online》官方網站：sf.runup.com.hk