所有事必有正反兩面 每人觀點也有所不同

哈哈~呢D咁唔用腦o既男人唔係唔拎去填海下嘛~? 又或者有個女人話全香港男仔都低質素~我都會建議政府拎佢去填海架~ 山嵐兄~真係唔該晒你幫我證實港男冇腦o既一面~!

我比較鐘意焚化.... 其實山嵐一開頭既意思係叫女仔 唔好咁介意別人點睇自己...

想問妳一句,妳宜家同果D話香港女仔差既人有何分別?? 在我眼中,妳同佢地並冇分別,分別只在於佢地話香港女差,你話香港男仔低智。 試問妳又有何資格批評佢地,應該拎去填海造地?? 我由頭到尾既意思妳根本就誤會晒,所以請不要冷嘲熱諷,話中有語,呢度係吹水區,並唔係發洩區。 最後希望請妳睇清楚我到底想表達D咩,帶出D咩先。 可能我講D野太深,妳真係睇唔明,我簡單講一次大概既意思。 我並唔係想幫香港男仔,更加唔係認同香港女仔比人差,我只係覺得妳地女仔根本唔駛理人地點講, 自己覺得自己好,唔比人差,咁就已經足夠,何必理會一D素未謀面既人所講既廢話,而令自己氣憤、唔開心,為自己感到不值? 可能我講既野令妳誤會,妳才會有過激既反應及言論,假如真係咁,在此道歉, 希望妳能明白我既意思,大家心平氣和,照作者既意思,正面咁討論落去。 以上。

我都唔明點解Ｄ男仔唔滿意我地 我地又冇得罪佢地 你簡人，人地都會簡你 你地話我地樣衰， 咁你地呢？ 樣衰，你估我地想ＧＡ咩？ 鬼叫一出世係咁咩？ 仲有呀，我地樣衰關你咩事ＷＯ？ 你地點解要理我地咁多野∼∼ 你知唔知你咁講會傷到我地自尊心ＧＡ

[這篇文章最後由BryanCpy在 2006/05/05 09:08am 第 1 次編輯] 其實呢個話題認真討論, 都唔錯 ^^ 我早上有聽商業一台, (我建議大家多o的聽呢個節目, 因為真係可以了解香港時事多一點) 一日, 話題比較有趣, 少講政治, 因為主持響報紙睇到「多左香港男性返上大陸娶妻」 要注意一點, 香港女人上大陸嫁郎其實都多左, 只係數目暫時不比香港男人多 聽o的打入黎既聽眾講: 1. 香港女仔比較大陸女仔難追o的, (我事先聲明, 我指既女仔係二十歲出頭, 有工作o個種, 並唔係十幾歲既學生妹), 因為大陸女仔更比香港女仔主動。(一個主動, 一個比較無咁主動,俾你會選擇那種??)。 2. 香港女性教育水平高左, 一個傳統心態「老公通常要叻過老婆」令到好多男人對香港女仔卻步 (拿拿拿, 我無講過香港男人學歷比香港女人遜色, 只係大家既水平差不多, 男人卻步而已)。 3. 香港女性人工愈來愈高, 好多男人驚如果老婆人工高過自己, 就算兩公婆唔介意, 個男人都怕遭人白眼 (尤其係娘家)。(又係老一輩既傳統思想所致) 我覺得, 香港女性相比之下其實都唔錯 響香港呢個社會裡面, 唔公一份婆一份, 點養起頭家呢? 宜家香港女性少左抱做少奶奶既心態架啦, 結左婚都願意繼續工作 娶大陸女性做老婆既, 個老婆落左香港, 由於平均知識水平的確較低 (尤其英文), 未必咁易搵到工作做 如果個老婆唔落香港, 個老公要成日上去, 你咪話唔辛苦 質素方面, 真係好難講, 點為之質素 ?? 人格既質素?? 學識既質素?? 樣貌質素?? 身材?? 前兩者都係基於文化教育水平 後兩者更加難講, 你見到幾個大陸女仔靚, 唔代表所有大陸女仔靚 你見到幾個大陸女仔身材好, 唔代表香港女仔無個身材好 質素好劣, 全部在於大家既擇偶條件 有o的鍾意女仔樣靚身材正, 有o的鍾意男仔高大威猛 有o的則要求對方有內涵 不是嗎??

其實d人唔滿意d咩呢?! 我覺得無論男定女 , 每個人都有唔同o既優點同缺點 , 睇你點睇o既o者~ 或者咁講 , 以前o既人思想比較保守 , 大部份o既野都係男性為主 , 之後社會一路進步 , 男女平等 , 什至乎好多女性仲比男性更惡、更有主導權 , 又有獨立o既事業、財政 , 變相黎講女性眼角高左 , 令好多男性面對呢d女性會自卑 , 又搵唔到女友 , 先會上大陸搵o者~~! 更何況質素o既野好主觀 , 各花入各眼o者~

每個人都係一個個體黎嫁喇,都唔太理人地話hk男仔or女仔好定壞 如果係針對某個人就話姐

E 個世界有d人鐘意貓 有d人鐘意狗 鐘意貓既人又唔話鐘意狗既人 而鐘意狗既人入面有d 人鐘意大狗 有d 人鐘意細狗 咁鐘意大狗既人又唔會指責鐘意細狗既人 咁我就唔係好明 咁鐘意大陸女仔 同鐘意香港女仔 有乜分別呢 兩邊既女仔都係有好有壞 而且大家都係女仔 根本無乜必要爭論 邊個國家好d 因為唔理男人女人都係有唔同嫁啦 除非你話有段新聞話男人寧願斷背都唔同女人一齊 咁就要爭論啦

[這篇文章最後由CRX在 2006/05/09 09:42pm 第 1 次編輯]


其實吾一定入息、學歷唔高,就北上娶妻既... 搵萬扲二萬蚊係hk 同大陸比,我都選擇大陸la 始終生活指數差好遠~~ 如果入息、學歷唔高，o係香港就好難娶老婆 咁hk男人又點會吾不滿ar~~~ 我都係某電視台睇過一個節目話d 男人點哀,點衰 其實hk女人都同男人一樣咁不滿