*** 乘客篇 *** 話說出發果日7/7 CX504 班機係09:10am起飛, 咁我08:45一上到機因為太疲倦就即刻訓著?……… 開頭都feel到架機開始行緊,去到起飛跑道突然間又停?大概成15分鐘, 跟住聽到有個空姐用廣東話,國語同英語廣播 : 請所有乘客將手上行李放回座位下,.......多謝合作! 當時周圍d人已經昅睇下邊條粉腸咁麻煩,但都無發現... 再過多15分鐘(已經9:45am)又聽到廣播, 今次係機師 (用英文,內容大致上係) : 而家因為經濟客艙有兩位乘客, 唔願意聽機組人員勸籲,將手上行李放?適當位置, 所以我地起飛時間將會延遲,如有不便,敬請原諒! 全機人即時起哄 + 粗口 (我都有參與), 當大家好努力要搵出兇手時, 突然d空中小姐+少爺好緊張走來走去, 我聽到其中一個話 : 開番道機門比佢地入黎..... 隔?一陣就見到有3至4個機場保安同2個航空公司d大粒行去機尾右邊窗口位, 個兇手終於現身啦......... 呢條友唔係亞伯亞婆或者國內同胞,而係一名廿令三十年歲,個樣都ok o既香港女子, 其實件事已經發展到要呢條X婆(請原諒我咁稱呼佢,因為佢實在好不知所謂)落機, 佢地擾攘?15分鐘,佢都"賴死唔走",重要同佢地拗點解要佢落機, 真係佢X味呀.... 已經10:00am,救星終於到o勒........ 有3個警察o黎到,開頭都係勸果條女自己行落機, 但條女都係用拖字訣"賴死唔走", 重同個幫辦講話搭開都唔洗將個袋放落地下, 點解今次又要....... 連個幫辦都頂佢唔順話(都幾惡) : ?.....小姐,我而家比最後一次機會你, 如果你再唔合作,我地會立即採取拘捕行動! 條女即刻"笠晒水",拿拿聲?住佢個裝?金銀珠寶, 價值$5,.xxx o既名貴GUCCI jolicoeur bag開始行出機艙, 咁我地全機人都好君子用熱烈o既掌聲歡送佢(當中夾雜?d英文粗口), 佢重好串同我地話 : 唔關我事o架,係佢地(機艙人員)太執著, 我個袋大?兩吋,係都要我放落椅底咋喎! 真係佢X味呀 x 10000000.... 重有同佢同行果兩個fd都同佢一齊落?機, 真係累街坊 最慘係d空中小姐同少爺, 又要由頭check過晒d行李艙.... 攪到10:20am先可以起飛(足足遲?成粒幾鐘,真係X佢個肺) 後來坐?我隔離個日本婆問我, 知唔知個女人係乜野國籍? 我只係好?咁答佢 : 係一個中國人! 我重將當時情況影?相(嘗試post啦), 如果有人係識佢o既話, 唔該教下佢搭飛機o既規舉啦! Part2 *** 飛機阿組篇 *** 今次搭飛機真係好激氣lor 無端端要落返機都有 架機都明明行緊架啦 行緊即係無事啦 做乜要人放個袋落地下o者 雖然個GUCCI係貴, 但我唔係矜貴到連放個袋落地下都唔肯果隻女仔黎 但係我D野放晒係個袋入面 成日要烏低身拎野,好唔方便架嘛 咁我之前都試過咁啦,又唔見人地話我 我點知間間航空公司都唔同規矩o者 開頭都好聲好氣同佢講,點知唔知邊個咁麻煩 走去叫機師開咪 咁大間公司蝦我地幾個女仔,都唔知知唔知醜 阿may叫我唔好同佢地嘈,阻住班機走 我話又唔係我地錯,就算阻住都係佢地阻住之嘛 咁,我見佢地講極都唔明,咪叫佢地個經理出黎同我講 點知真係激死我 一開門就幾個保安走過黎 有冇搞錯呀,我地幾個女仔咋,而家捉恐怖份子咩 我已經無心機同佢地嘈,已經坐返係到 扣返好安全帶,叫佢地唔駛理我,唔好阻住其他人 點知又走幾個差人上黎 仲粗聲粗氣同我講話會拉我 算啦,我都無晒mood,咪即刻拎返晒D野走咯,以後都唔搭呢間公司添呀 呢次我對香港D男人真係好失望lor 成個過程我地幾個女仔咁比人蝦法 都無人過黎同我地出聲 都唔知係咪男人黎架 ...... 激鬼死我.... Part 3 *** 空姐篇 *** 我想講....... 本人就正正係當日呢班機其中一位!!!!!!!!!!!!!!!!!!!!!!!!! 想問版主你o係邊度轉貼呢個女仔既"心聲"呢?? 真係....震驚到令我寫個服字......我完全無諗過...佢係咁諗!!! (--＞覺得我地蝦佢...大姐, 唔好玩啦, 知唔知我地調呢班可以o係日本留一日既機有幾難呀, 我只係想快快去到日本即刻出downtown shopping, 而家係你蝦緊我地) 當日我地其實同佢解釋過好多次, 放個袋去地下只係起飛同降落o個數十分鐘, 絕對唔會如佢所講 "成日要烏低身拎野,好唔方便架嘛" , 因為安全帶燈一off左, 佢就可以抱番住佢個寶貝.......但真係唔明點解講極佢都唔聽 我地以為佢怕整污糟個袋 (even唔係名牌, 亦有可能係有記念價值等等whatever...總之連原因都幫佢諗埋), 叫佢放上去行李櫃, 佢話太高(?!), 我地話幫佢放, 佢唔肯...話之後會幫佢拎番落o黎, 又唔肯.......咁話不如放去衣櫃啦, 又唔高, 佢又唔肯 不過好彩, 當日作為乘客既你地都好體諒, 亦明白呢個女人係有問題....我地o個下大家都有少少驚其他人會覺得"有冇搞錯呀你地d空姐咁煩架, 咪由佢抱住個袋囉", 點知大家都咁體諒...真係好感動.... (佢落機o個下, 我真係想同大家一齊拍手大叫, 但著住制服on duty中又唔可以, 去到日本之後, 我地十幾個同事爆笑左整日, 呢件事更加成為左我地公司同事之間茶餘飯後既話題!!)

我尋日聽收音機,杜汶澤o個d都有講!~ 不過我中途先聽,唔知佢地笑咩, 只係聽到咩野gucci袋,咩野飛機阿姐之類.... 而家明晒喇~thx~^^ o個個女仔根本唔知自己錯咩=_=" 仲話人地蝦佢.......

點解要咁執著呢?

香港人真係夠哂爆笑

@@~~~~係某d o者~哈哈 呢期香港人紅=_="

殺人犯~~ 呢編野最尾既係你手筆定係都係轉貼架~??? 不過, 唔知其他既女仔會唔會同呢個女仔都有同一個思想, 「我係女仔黎架, 男人一定要就我~~ 唔就我即係蝦我」呢???

我估清楚依件事係點樣發生, 係咩情況發生, 而佢又係一個明事理ge女仔, 絕對唔會咁諗lo...哈* 一開始睇完真係感覺到比我係乘客的一份子, 必定開口了解清楚佢係咪有D咩大問題唔可以放低個袋, 問到佢肯放為止...wkakakakaka...睇下佢有咩法子...橫掂點都要等佢架啦...開口好過等, 加上係機上又唔會一定係全架機都係香港人ge...可能反而人家聼到都認同tim...哈*

[這篇文章最後由殺人犯在 2006/08/01 09:44pm 第 1 次編輯] 轉貼嫁 我都覺得最近既女仔都有這思想 嗯嗯 昨日同個中學同學食飯 佢個同事(17歲 女) 一腳兩船 佢同其中一個 講電話 態度惡劣 佢就話 佢都唔鐘意佢 只不過係想拍下拖 而一腳踏兩船既原因係因為 唔習慣無拖拍=.=" 她被我既良心咒罵後 我就離她們 找我女朋友大人去了.... http://hk.pg.photos.yahoo.com/ph/vv614vv/my_photos

我諗呢d都係個別事件o者... :em06:

真係一種米養百種人囉