[轉貼] 今日同ｄ朋友講起大家洗男朋友錢既經驗， 原來四個人入面有三個男朋友次次洗親佢地錢都牙痛咁聲， 有時覺得ｄ港男真係好小氣，佢地要明白呢ｄ野係投資來的嗎．．． 成日慳住慳住都唔知為乜．．． 其實又唔係用佢地好多錢， 偶然都想食餐好既遮．．． 睇完之後 我第一個詞語諗起既係「投資」 原來有o的人一直都會當自己係期貨, 可以用投資來「得到」 我一向都係... 邊個俾都無所謂 有時個女仔俾, 有時個男仔俾 你同得佢一齊, 計較黎做咩野 ~? 但我覺得女仔都唔好用「洗人錢」係應份既心態

係囉,我都覺得好奇怪,點解話係"投資"? 如果個女仔唔係好o既,咁我就唔"投資"啦不如? 男仔出街俾錢,講到尾咪係風度一種~ 點解要話男仔"投資"呢? 咁唔通我投資得多錢落去,咁就會有好o的o既"回報"(i.e.結婚,生仔....)? 無話計唔計較,我出街都係有時我俾,有時女仔俾, 有時我俾得太多次,個女仔都會話:留番我俾啦~ 聽到段轉貼,我覺得自己都好好彩識到個好女仔,而唔係將自己當成為投資工具o既女仔~

點解會用"投資"黎形容o既呢? 呢個人講野係咪個別o既例子黎架咋=_= 我好唔鐘意d女仔好似奉旨咁要男友買野俾佢地.... 即係好似去行街買衫"橋"埋雙手等男友俾o個d=_=

唔知點解好似聽過ok多人形容呢個係"投資" 所以睇完呢個之後都無咩話大反應..~ 我諗到有經濟能力既時間邊個比都無所謂既,如果識得體諒人既就唔會要男友乜都比 不過如果係學生就AA好似好d喇...