傻k，閣下身為論壇元老竟然要求測驗區的帖子無需回帖就可以睇答案? 回帖不一定只要"A"呀，"B"呀，CC呀，甚至唔識呀等等，回帖可以講講佢點解要選擇A，B或C，對嗎? 至於儲水庫內的接龍，聯想遊戲，我真係睇唔到有乜學術討論價值或可以有乜聯想(可能係我低B)，唔知有無會員可以聯想到黑洞的型成及演變，量子物理學的定律? 根本太多區只會加重論壇的負擔。缺乏人流的區應考慮關閉，六個月不發帖的會員可以凍結會籍，每次回帖不得少於十五個字，想要呃POST都無咁容易。

我個人認為在論壇發帖的最大作用是令閱讀的人增加了智識及引起討論，如果帖內只有一些圖片或一條LINK，片言隻字也沒有就很難引起人去研討。 我嘗試去舉幾個例: (一) 在"馳聘車壇"內，絕大部份的帖內只有汽車圖片，極少有討論汽車性能及駕駛技術，不如改名汽車貼圖區吧! (二) 在"即時聊天帖"最後四帖都是發自同一人，自己同自己聊天? (三) 在"通古博今"好多帖子都是樓主轉貼自其他地方但某些有關古代的事物，竟然只有地圖，其他詳細資料一律欠奉。 (四) 在"我的運動場"近日有部份帖內只有LINK，其他乜都無，單睇芵文題目完全唔知講乜!

話明儲水庫牙嘛...咁梗係老吹架啦!!!

自己同自己吹牙?

自己同自己吹就唔洗開個儲水庫出黎啦-口- 如果你自己本人係咁鍾意自己同自己吹既話,你都可以去儲水庫度吹架=]

我係論壇元老,不過咁又點??? 都只不過係名一個黎架姐~

我一世人最怕吹水，言不及義，浪費生命但偏偏有人樂此不疲! 個人吹水不如用MSN無謂浪費論壇資源。 你係元老應該了解論壇資源珍貴呀。

除左一個分類區總版主及壇主有回帖外，其他管理人員似乎對發帖重量不重質都無乜異議喎。