你們有否想過自己的存在是為了什麼? 以前是怎樣想, 而現在又怎樣想呢? 為了快快樂樂一生, 還是轟轟烈烈幹一番大事業? 我以前不知是否太幼稚還是要求太高 ? 以前我想做一個事業有成, 身居要職的公司高層, 身處一間可以俯瞰整個維港的經理房, 就好像全世界由我掌握之中 現在我卻改變了, 我發現身居要職壓力太大, 我看見我的公司DIRECTOR們都天天OT, 天天開會 由早上起床到睡覺前一刻都是為公司而活一般, 好像只有睡覺時間才屬於自己 我覺得這樣為公司而活簡直是一件苦差, 如果作為一個高層一定要為公司而活的話, 我寧願不幹了... 我是不是非常沒有上進心呢? 我現在只希望快樂地生活就可以了, 我說真的 我想享受我的人生, 通常一個人愈有地位愈有錢, 就愈少時間去享受 你們呢 ?? 對你們將來的生活又有何憧憬?

細個我有過好偉大既理想XD 要做警察, 要做消防員..XD 但隨住歲月既增長.. 念頭已經打消..XD 加上我既近視.... 大個之後想讀心理, 但之後又發現, 呢科同我想像始終有出入 到呢家 我都仲未諗到將來點@@ 之後讀咩科好, 興趣係邊都未清楚 不過最渴望將來都係有一份收入唔錯既工, 可以供養父母je~ 想生活快樂定事業成功? 其實都好因人而異ga je 有d人醉心工作, 工作就係佢既全部, 佢好樂在其中..　唔覺得有咩唔妥 有d人受唔到壓力,只係想輕輕鬆鬆, 都係咁開心~

我諗我宜家仍然很幼稚

我o岩o岩post左篇野講開享受生活~ http://www.pklabel.com/forum/red ... o=lastpost#lastpost

細細個果時我唔知自己想做乜 但後來我遇上左跳舞 我感到前所未有過既快樂 由我跳舞到而家太約有7年半時間 我既理想始終如一 就係做個舞蹈員 有好多人好唔理解我,尤其是我屋企人 因為我要跳舞,所以係好多方面,唔只跳舞上,我受左唔少苦 有好多人覺得我唔值得咁做,但我自己覺得我比起身邊既人都更快樂 理想對一個人係好緊要 我唔知係咪每個人都會搵到一樣佢真係好想做既野 但我好肯定咁講,只要你搵到,就會覺得無比既快樂,因為你覺得自己已經掌握左自己一生既幸福 自從我遇上左跳舞之後,我既生命totally change

...我理想.係..想訓覺..訓好D...因為成日失眠

我都想遇到自己鐘意做o既事, 而家o既生活就係為左生活, 好多野都係見步行步, 如果咁樣o既過埋下半生,同白過冇咩野分別...

我好有同感 「如果咁樣o既過埋下半生,同白過冇咩野分」<-------------- 我成日都有咁既諗法 好多野都係唔係你可以控制 唔通我地可以咩野都括出去, 去做自己真正喜歡做既野!?? 生活......唉....我都係為了活而活

恭喜你搵到自己既路^^ 你要加油!! 堅持落去證明比人睇＾＾ 我都好想..快d搵到屬於自己既路..

我日日有得打鼓同踏板... 我就好開心ga la....^^