大家響辭職既時候, 心情會係點?? 你地點同老細講話想走? 佢留你既話, 你又會點推呢? (假設佢點留你你都唔會留響度做落去) [ 本帖最後由 bryankky 於 2007-7-4 00:47 編輯 ]

唔，我四月辭過一次職。 老細一路都對我好好，幾乎有求必應，而且好多學生我都好鍾意（我做補習社）。 我辭職係因為另一位同事成日針對我，所以當時好唔捨得、好內疚。 我辭職時好直接咁同老細講話唔鍾意另一位同事，老細亦都開門見山咁話如果我真係要走，佢寧願炒o個位同事。 一個月之後，真係炒左。 除此之外，老細仲加人工、加年假，仲比我做股東。 最初我真係好決絕，同佢講話想趁後生見多D世面、試下唔同o既工、轉下環境等等等等。 不過佢lur左我兩個月，我最後都係心軟留低，而最重要係，我當初辭職o既理由已經唔再成立。 我諗如果你真係唔會繼續留低，總有某種堅持，或者可以直接話比佢聽。 如果佢有方法解決到你o既問題，可能你又真係會留低呢~

仲係粉嶺教補習?

「大家響辭職既時候, 心情會係點??」 <------睇下你咩野原因辭職啦 我辭職會打好晒信之後等就放工既時候入老細房同佢講 (因為大家都無咁忙嘛) 理由要走既....有好多, 「想學多o的野」「想試下唔同既工作」「人工唔係咁理想」「呢份工唔係好適合我」 佢留我既話, 而我又好決絕要走既話, 我會堅持. 如果佢建議一個好既offer我, 我唔會即時回應, 我會同佢講....「俾一兩日我考慮」 過左兩日之後, 再同佢講我唔接受 佢見你咁慎重考慮完都係拒絕, 佢都唔會再花唇舌響你身上架啦 [ 本帖最後由 BryanCpy 於 2007-7-3 23:25 編輯 ]

最緊要堅持，我走果陣話我想轉一轉新既工作環境﹗