我認為母語教學 = 無英語教學！ 個個都唔學英文，香港好快就玩完！

我覺得係完全出於政治考慮啦, 好好地d學生用緊英文黎讀書, 做咩要強迫大部分學校轉用母語教學先? 就算要轉, 都唔應該係強迫囉, 然後又局部容許某部分學校keep住做英中, 咁算點先?... 應該開放呢個option, 俾d學校選擇用咩語言黎教學, 家長/學生亦應該keep住有權去選擇佢地想去既中學; 另一方面, 亦都可以反映到一d教學質素冇咁好既學校出黎, 等個社會"自然"淘汰佢地, 又或者可以迫使到呢d學校去改善教學質素. 呢樣野好現實架, 話就話讀書係靠個學生自己, 但係現實係, 響你學校讀得好成績既話, 你就係好學校, 讀得唔好就係唔好既學校. 始終d學生升到上預科同大學既時候結果都係要受英語教學, 何況社會本身都係需要英文好既人, 咁點解唔自細就用英文黎教學先? 由細學起, 英文生字都識多幾個啦, 好過要d中中學生升到上預科先黎追, 點追呀? 人地英中學生到F.6既時候已經讀左5年用英文教既野, 真係好蝕底架搞到...

如果局住學校用中文教 我覺得好唔掂 本身中中學生既英語程度唔算好好 咁樣一轉,想讀英中既學生冇得讀,而且會對佢地既將來頗為不利 如果真係咁做,其實唔可以話唔得 但中文堂要用普通話教,咁樣就唔會話2個世界語言都唔得 始終廣東話唔係世界語言,中文堂用廣東話教又冇咩好處 [ 本帖最後由 杏仁女 於 2008-3-19 16:43 編輯 ]